Ağbulaq Otel

Qədim buzlaqlar, dərin dərələr, təəccüblü dağ gölləri, xüsusi növ bitkilər və xüsusi quş növləri…BURA öz möhtəşəmliyi ilə Nuhun diyarı Naxçıvanın Ağbulaq kəndidir!
Ağbulaq İstirahət Mərkəzi eyni adlı kəndin, Ağbulaq adını daşıyır. Öz qonaqpərvərliyi və əyləncəsi ilə zəngin olan kompleks mövsumi təklifləri ilə ilin bütün aylarında qonaqların istirahət üçün ideal məkan olmaqla yanaşı əhəmiyyətli bir turistik məkana çevrilməkdədir.
Ağbulaq İtsirahət Mərkəzi Naxçıvan şəhərindən 58 km, Naxçıvan Beynəlxalq Havalimanındansa 66 km məsafədə yerləşir. Kompleksdə ümumi tutumu 76 nəfər olan, 38 otaq fəaliyyət göstərir. Otaqlar peyk yayımlı TV, daxili xəttli telefon, mini bar, kassa, vanna otağı (duş, duş kabini), WC, fenlə təchiz olunub.
İstirahət Mərkəzində Ağbulaq restoranı, kafe-bar, restoran-bar fəaliyyət göstərir. Bundan başqa mini futbol-voleybol meydanı, uşaqlar üçün əyləncə parkı, market, valyuta məntəqəsi, poçt xidməti və başqa xidmətlər də mövcuddur.