Bizə zəng etməydən çəkinməyin. Biz mütəxəssis bir komandayıq və sizinlə danışmaqdan məmnunuq.
+994702121213
naxcivantravel@gmail.com
Türkiyənin əsrarəngiz təbiətə malik olan Qaradəniz incisi Trabzon (Uzungöl) və Rizəyə (Aydər yaylası) səyahət etməmisinizsə və səyahətinizin daha maraqlı olmasını istəyirsinizsə, o zaman siz doğru ünvandasınız.
Türkiyənin Trabzon əyalətinin Çaykara ilçəsində yerləşən göl. Uzungöl həmçinin gölün ətrafındakı kəndin adıdır. Göl Trabzon şəhər mərkəzindən 99km, Çaykara ilçə mərkəzindən 19km uzaqlıqdadır. Uzungöl yamaclardan düşən qayaların Haldizen dərəsinin qabağını kəsməsiylə yaranıb. Sıx meşələri, təbii gözəlliyi turistləri özünə cəlb etməkdədir.
Coğrafiyası:
Türkiyənin Soğanlı və Qaçqar sıradağlarının kəsişməsində yerləşir. İynəyarpaqlı meşələrinin olması və yağışlı ərazidə olması ərazinin daim yaşıl görünməsinə şərait yaradır. Dəmirqapı dağları və Soğanlı dağlarında 60 dan çox endemik bitki növü var. Bu ərazidə 59 məməli heyvan, 250 quş növü yaşayır.
7 saat
2 nəfərlik
Öncədən təyin olunmuş saat üzrə Naxçıvan şəhərindən Naxçıvan – Türkiyə sərhəd keçid məntəqəsinə getmək (gecə saat 12:00) və səhər saat 09:00 öncədən müəyyənləşdirilmiş otelə yerləşmə.
1 Saatlıq istirahətdən sonra tur proqramı üzrə gəzintiyə start vermək.
Aydər Yaylası – Rizənin bu əsrarəngiz təbiətə və gözəlliyə sahib bölgəsi, Aydər Yaylası 1944 -cü ildə Milli Park və 1987 – cil ildə ısə turistik bölgə kimi elan edilmişdir. Aydər Yaylasını öz əhatəsinə alan və dünyada Bal Meşələri kimi tanınan bu meşələrdə yetişən “Qafqaz gülləri” öz gözəlliyi ilə yanaşı həm də öz dadıyla məşhurdur. Meşə boyunca hərəkət edən bal arıları bu güllərdən qidalanaraq məşhur “Aydər Balının” düyada tanınmasında çöx böyük rol oynayır. Bu bölgə balıyla yanaşı həmdə Qaradənizin mıhlama, məkə unundan hazırlanmış çörəyi, Laz börəyi və s. ilədə məşhurdur.
Sümela Monastırı- Trabzonun Maçka bölgəsinin Altındərə kəndidə, Karadağın ətəyindəki dik qayalar üzərində inşa edilən Sümela Monastırı həmçin insanlar arasında Məryəm Ana adı ilə də tanınır. Tarixi baxımdan çox dəyərli olan Şəhər, 1461-ci ilə qədər təxminən 200 il yaşayan Trabzon Rum İmperatorluğunun paytaxtı olmuşdur. Dağ içərisindəki bu heyrətamiz Sümela Manastırını görəndə insanın dili tutulur. Yol boyunca Ziqanadan keçərkən insanın urəyinə fərahlıq gəlir və ürək döyüntülərini artmaqda davam edir və buna görədə Trabzonu “Arzular şəhəri” adlandırırlar.
Atatürk Köşkü – Atatürk köşkü adı ilə tanınan bu tikili, 1890 – cı ildə Kostantin Kabayanidis tərəfindən inşa edilib, Avropa və Qərb İntibah memarlığının xüsusiyyətlərini özündə saxlayan bir memarlıq nümunəsidir. Qazi Mustafa Kamal Atatürk 1934 -1937 -ci illərdə Trabzona səfəri zamanı bu tarixi tikilidə qalıb və ölümündən 1 il əvvəl Trabzona səfər edərkən burada öz vəsiyyətini yazmışdır.Vəsiyyətdə deyilir: “Mal və mülk mənə ağırlıq verir. Və bütün bunları öz xalqıma verməkləmə ürəyimə bir fərahlıq gəlir. İnsanın sərvəti onun şəxsiyyətindədir. Mən millətimə daha nələri bağışlamaq istərdim.” 11 İyun 1937-ci il.
Trabzon Aya Sofia – Trabzonda Bizans kilsələrinin ən gözəl nümunəsi olan Ayasofiya kilsəsi, Fatih Sultan Mehmetin Trabzonu fəthindən sonra məscidə çevrilmiş bir tarixi tikilidir. 1-ci Dünya Savaşı zamanı anbar, xəstəxana və daha sonralar isə məscid kimi fəaliyyət göstərən bu tikili 1958-1962 -ci illərdə Vakıflar Baş İdarəsi və Edinburq Universitetinin birgə əməkdaşlığı ilə bərpa edilərək 1964 ci ildən sonra muzey olaraq fəaliyyətə başladı.